سيطر على حياتك

  • Crowne Plaza Amman, Amman
  • Friday 22 February 2019, 08:00 am - 08:00 pm
Event Countdown:
  • 32 Days
  • 8 Hours
  • 25 Minutes
  • 30 Seconds

حاسس حالك ضايع!

بدور على الشغف؟ بدور على معنى لحياتك؟ دايماً بتسأل حالك أنا شو بدي، لوين رايح؟! عندك أهداف ومش عارف تحققها! مش مرتاح بحياتك! ثقتك بنفسك مهزوزة! مش عارف تعبر عن حالك! عم بدور على  السعادة و راحة البال!  

 

اجا الوقت اللي تسيطر في على حياتك!  "سيطر على حياتك" هو حدث ضخم بتطوير الذات رح يجمعك مع أربعة مدربين مختصين بالمهارات الحياتية، عاشوا معظم التجارب اللي انت عم تمر فيها اليوم، وعندهم الاستراتيجيات المناسبة لتساعدك توصل للنتائج اللي بدك اياها!

 

من خلال هاي التجربة الجديدة بعلم التغيير وتطوير الذات، رح نساعدك تطلع كل الطاقة اللي جواتك ونعلمك كيف تستغلها، كيف تكسر مخاوفك، كيف تخلي ثقتك بنفسك عالية، كيف تتعامل مع كل حدا حوليك بكل أريحية، كيف تتعامل مع الظروف الصعبة، كيف يكون عندك وقت أكتر للأمور اللي انت بتحبها، كيف يكون عندك حرية شخصية، كيف تبني لحالك أهداف وتبدى تحققها! وأهم شيء ترجع السعادة والشغف على حياتك من أول وجديد.

هدفنا نعلمك تقنيات واستراتيجيات تساعدك تعيش تجربة التغيير لحظة بلحظة، وعدنا الك، انه حياتك ما رح تكون نفسها بعد هاي التجربة! من بعد هاي التجربة رح تعيش حياة جديدة كلياً، حياة بشروطك انت!

 

  • اشحن طاقتك

تخيل حياتك تكون مليانة بالنشاط والحيوية، تخيل تصحى الصبح مبسوط ومتحمس على يومك، و تلغي الخمول من حياتك تماماً.

صلاح عميرة رح يعلمك كيف تشحن طاقتك بأي وقت وبأي لحظة, كيف تتحكم بحالتك النفسية ومشاعرك، كيف تسيطر على نوبات التوتر والغضب، وكيف تعيش يومك بهدوء وسكينة من دون أي انفعالات.

 

  • اكتشف ذاتك

كلنا بفترة أو تانية حسينا حالنا ضايعين!

بس ورا كل الأغطية، ورا كل الوجوه اللي منلبسها، ورا كل الأفكار المحددة... في حرية!

تعرف على نفسك من جديد، اعرف انت شو بتحب، شو شغفك، شو اللي بحركك!  سارة أبيقوة  رح تكون معك برحلة اكتشاف الذات لتوصل للحرية وتعيش حقيقتك كل يوم.

 

  • اكسر مخاوفك

هيلنا الصايغ رح تاخدك رحلة بعالمك الداخلي، وتورجيك كل المعيقات اللي عم بترجعك لورا، وتعلمك كيف تواجه وتكسر حاجز الخوف والقلق، تتخطى كل الصعوبات، تنهي أي تصرف ما عم بخدمك، وتورجيك كيف تتخلص من التفكير الزائد، و تبدى تتحكم بأفكارك لتوصل للشخصية المتزنة.

 

  • عبر عن نفسك

ضاعف ثقتك بنفسك و تعلم حب الذات، عشان تعرف أسرار التعامل مع أي شخص بحياتك بطلاقة وبدون أي حدود، بدون ما أي شيء يوقف بطريقك، بدون ما تخلي أي معيق يخطر ببالك.

إيهاب الحمارنة رح يعلمك كيف تعبر عن نفسك، كيف تصمم حياتك على طريقتك، كيف تكون نفسك بدون أي أقنعة!

 

  • اصنع مستقبلك

ابتكر عالم من صنعك انت، خطط لمستقبلك من اليوم، حدد لوين بدك توصل، شو بتحتاج، وكبف تحصل على كل الموارد اللي رح تفتحلك الطريق، عيش حياة مليانة بالراحة والتوازن،  وحول الأحلام الى واقع مع ورشة عمل الأهداف مع صلاح وسارة.

 


الحدث مليء بالنشاطات، جلسات التأمل، التمارين الرياضية والفعاليات المختلفة اللي هدفها تعمل نتائج بشكل مباشر وبأسرع الطرق، وتخليك مستمتع بأجواء ملهمة وحماسية.

فندق الكراون بلازا عمان
22.2.2019

التذكرة تشمل:

  • مادة الدورة
  •  مشروبات ساخنة طيلة اليوم
  •  سناك صباحي
  •  وجبة بوفيه الغداء
  •  سناك مسائي


التذاكر:

درجة أ:            120 دينار
درجة ب:          85 دينار
درجة الطلاب: 65 دينار


لمزيد من المعلومات: 0798072929

 


SHARE THIS EVENT ON
Organized By   Sayter 3ala 7yataK